Some funny Birthday wishes…

images (16)

Tuney to lagaya hai umr pe back gear
pee le tu whiskey chahey aaj beer
ki kayi tujhey khidki se taakti hongi
american goriyan gush kha ke gir jaaati hongi
yeh jawani ka formula zara hum ko bhi bataa ja
ki badhti umr ka her dum humko hai takaaza
baakiyon ki bhi kuch is tarah hai kahaani
chaand ko apney sar pe laaney ki hai thaani
masti ka hai samaa to chodo saarey kaam
chalo bolein Cheers utha ke ek ek jaam!!!….MNJ

====================================

images (17)

Kal tak jo piddi se they
Aaj dekho kaisey bade ho gaye
School hamara wahin reh gaya
Hum kahan se kahan aa khadey ho gaye
Bichhdi pichhdi yaadon mein
Tera  naam wabastaa hai
Kyunki Ms Makheeja ke sang
tera badaa maarmik rishta hai
Hum sabko milaaney mein
tera badaa hath hai
Maano ya na maano ab to
Sabka jeevan bhar ka sath hai
Dekh Teri safalta se
Hum sab prabhaavit ho Gaye
Per ik baat bataa tere baal Kahin
Biwi ki seva mein to nahin ud gaye !!!….MNJ

=================================

Curt-Hawkins-Having-Fun-With-Friends

Chulbuli Teri gayi nahin
Doodh ke daant abhi girey nahin
Akal dhoodhne pataa poochhta ghaas ka
Kaun kahega hone chalaa tu pachaas ka
Ab to samajhdari ka kaam ker le
Aa ker hamari sharan le le
Tujhey khoob ghutti pilayengey
Teri umr ke layak banayengey
Aaj ke liye itna kaafi hai
Ye interval hai beta picture abhi baaki hai!……MNJ

=======================================

images (18)

Is group ke hain do ratan
bolo unmein kya common
dono ka janmdin sath sath
gaur se suno meri baat
dono ke naam ka ant hai “i”
Hindi Chini Bhai Bhai
dono ki kitni meethi boli
ab kisney yaadon ki pitari kholi
dono ki poori ho her aarzoo
Ae meri sakhiyon, Happy B’day to you !
==============================
download (9)
Iska naam letey hi

zalim teacher ki yaad aa jaye

becharey ne kitney zulm sahey

ab to kahaa na jaye

pit pita ke chalo bechara

ban to gaya insaan

is heerey mein kitni chamak hai

yeh to biwi karegi bakhaan

yaaron ke sang yaari

khoob isney nibhayi

janmdin ke avsar per

de dein isey badhayi!!…..MNJ

Mar ‘2103
========================
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s